اسلام آباد۔9ستمبر (اے پی پی) نائب وزیر اعظم اتے وزیر خارجہ سینیٹر محمد اسحاق ڈار اتے قازقستان دے نائب وزیراعظم اتے وزیر خارجہ مرات نورتیلو دی سانجھی صدارت اچ وفداں دی سطح دے مذاکرات منگل کوں دفتر خارجہ اچ تھین جنہاں اچ پاکستان اتے قازقستان وچال تعاون دا مکمل جائزہ ڳھدا ڳیا۔ دفتر خارجہ ولوں جاری بیان دے مطابق تجارت تے سرمایہ کاری، زراعت، آئی ٹی، تعلیم، ثقافت، سیاحت، سکیورٹی اتے لاجسٹک کنیکٹیوٹی کوں ودھاوݨ تے ڳالھ مہاڑ کیتی ڳئی۔ مذاکرات اچ ایں سال نومبر اچ قازقستان دے صدر دے پاکستان دے دورے کیتے روڈ میپ کوں حتمی شکل ݙتی ڳئی۔ ڳالھ مہاڑ دے بعد ݙوہیں نائب وزراء اعظم پاکستان دی وزارت خارجہ اتے قازقستان دی وزارت خارجہ وچال تعاون دے ایکشن پلان تے وی دستخط کیتے۔
.jpg)
