اسلام آباد۔25مارچ(اے پی پی):سینیٹ دے چیئرمین محمد صادق سنجرانی آکھیے اساں رل تے کرہ ارض تے مثبت اثر پا سڳدوں تے ھک بہتر دنیا بݨا سڳدوں ، شہری ایں مثبت سرگرمی دا حصہ بݨن تے ارتھ آور 2023 اچ حصہ گھنن، جیڑھا جو اڄ رات 8:30 وڄے منایا ویسی ۔ ارتھ آور دے موقع تے آپݨے ھک پیغام اچ انہاں آکھیے ڈبلیو ڈبلیو ایف پاکستان ٹیم دی طرفوں کیتی ونڄݨ آلیاں کوششاں دی تعریف کیتی جیں دے نتیجے اچ ، پوری دنیا دے 190 ملکاں دیاں حکومتاں، لوکاں تے تنظیماں ماحول دے تحفظ اتے موسمیاتی تبدیلیاں نال نبݨݨ کیتے ہتھ ملائے ۔ چیئرمین سینیٹ صادق سنجرانی ڈبلیو ڈبلیو ایف پاکستان دیاں کوششاں دا اعتراف کیتے تے “ارتھ آور”دی اہمیت کوں کرہ ارض تے ساݙے اعمال دے اثرات تے غور کرݨ تے ھک پائیدار مستقبل دی طرفوں بامعنی اقدامات کرݨ دے موقع دے طور تے اجاگر کیتے ۔
