اسلام آباد ۔ 03 مارچ (اے پی پی) وفاقی وزیر منصوبہ بندی، ترقی و اصلاحات پروفیسر احسن اقبال آکھیا ہے جو پاکستان خطے چ امن تے ترقی تے خوشحالی سانگے اہم کردار ادا کرنڑ دی صلاحیت رکھیندا ہے ،چین پاکستان اقتصادی راہداری اتے گوادر بند ر گاہ پاروں پاکستان وسطی ایشیائی تے مغربی ملکاں اچ تجارت تے رابطے سانگے اہم ملک بنڑ ویسی ۔انہاںخیالاں دااظہار انہاںجمعے کوںپلاننگ کمیشن اچ چین پاکستان اقتصادی راہداری دے حوالے نال جائزہ اجلاس توں خطاب کریندے ہوئیں کیتا۔اجلاس اچ چینی سفارت خانہ تے متعلقہ وزارتاں دے اعلیٰ حکام شرکت کیتی ۔اجلاس اچ توانائی ، شاہرات، ریلوے، ماس ٹرانزٹ منصوبے، خصوصی اقتصادی زون اتے گوادر دے زیر تکمیل منصوبیں دا جائزہ گھدا گیا۔ اجلاس اچ اقتصادی راہداری دا طویل المدتی منصوبے دا جائزہ وی ایجنڈے اچ شامل کیتا گیا ہے۔ جائزہ اجلاس کوں وزارت پانڑیں تے بجلی دے پاسے توانائی دے زیر تکمیل منصوبیں تے بریفنگ ڈتیگی۔ ایں موقع تے وفاقی وزیر منصوبہ بندی، ترقی و اصلاحات پروفیسر احسن اقبال ہدایت کیتی جو سارے منصوبیں دی ویلھے نال تکمیل کوں یقینی بنڑایا ونجے ۔ انہاں آکھیا جو توانائی منصوبیں کوں ماحول دوست بنڑاونڑ سانگے جدید ٹیکنالوجی دا استعمال اتے بین الاقوامی قواعد کوں سامنڑے رکھیا ونجے معیار تے کوئی وی سمجھوتہ کائناںکیتا ویسی۔
