اسلام آباد۔11اکتوبر(اے پی پی):نگران وفاقی وزیر خزانہ ، محصولات و اقتصادی امور ڈاکٹر شمشاداختر مراکش دے سنٹرل بینک دی گورنر نال ملاقات کیتی۔ ترجمان و زارت خزانہ موجب ڈاکٹر شمشاد اختر بین الاقوامی مالیاتی فنڈ اتےعالمی بینک دے سالانہ اجلاساں اچ شرکت سانڳے مراکش دے سرکاری دورے تے ہن تے مراکش اچ سنٹرل بینک دے گورنر نال ملاقات ایں سلسلے دی کڑی اے ۔ ملاقات اچ مالی اتے اقتصادی امور تے ڳالھ مہاڑ کیتی ڳئی تے انہاں شعبیں اچ تعاون متعلق امور دا تفصیل نال جائزہ ڳھدا ڳئے ۔ فریقین سانجھی دلچسپی دے امور اتے عالمی مالیاتی شراکتداری دی اہمیت نال اتفاق کیتے۔ وزیرخزانہ ایں دورے دے دوران عالمی بینک اتے بین الاقوامی مالیاتی فنڈ دے اجلاساں اچ شرکت توں علاوہ انہاں اداریں دے اعلیٰ عہدیداراں نال ملاقاتاں وی کریسن۔
