اسلام آباد۔4نومبر (اے پی پی) ایرانی وزیر خارجہ سید عباس عراغچی ݙو ݙینھ دے سرکاری دورے تے اڄ سنوار کوں پاکستان پڄدے پئن۔ ترجمان دفتر خارجہ توں سنوار کوں جاری بیان موجب ایرانی وزیر خارجہ آپݨے دورے اچ وزیراعظم محمد شہبازشریف اتے نائب وزیراعظم/وزیر خارجہ سینیٹر محمد اسحاق ڈار نال ملاقاتاں کریسن۔ وزیر خارجہ عراغچی مشرق وسطیٰ دی صورتحال اتے پاکستان ایران ݙوپاسہ تعلقات تے مشورہ کریسن۔ بیان موجب اے دورہ پاکستان اتے ایران وچال تجارت، توانائی اتے سلامتی سودھے وسیع شعبیاں اچ تعاون اتے ڳالھ مہاڑ کوں اڳوں ودھاوݨ دا ہک اہم موقع ݙیندے۔
.jpg)