اسلام آباد۔5مئی(اے پی پی)وفاقی وزیر اطلاعات و نشریات مریم اورنگزیب آکھیے جو معاشی دہشت گرد اتے معاشی بارودی سرنگاں وچھاوݨ آلے اڄ اپݨی نالائقی، نااہلی اور لوٹ مار دا ماتم کریندے پن، انہاں چار سال ملک لٹیے اتے عوام دے خلاف سازش کیتی، خزانہ اتے توشہ خانہ لٹیے، ہݨ انہاں دی تحریک صرف گوگی بچائو رہ ڳئی اے۔ پی ٹی آئی رہنما فواد چوہدری دی پریس کانفرنس دا ولدا ݙیندے انہاں آکھیا جو عمران صاحب گوگی ڄݙاں جو وزیراعظم شہباز شریف عوام کوں بچاوݨ دی کوشش اچ ہین، اڄ ملک اچ مہنگائی دی شرح تاریخ اچ سب توں ودھ ہووݨ دی ہکی وجہ عمران خان ہین، جئیں تباہ حال معیشت، بے روزگاری اتے بد ترین مہنگائی ݙتی اے جیندے پچھو کرپشن کہانی اے، اڄ وزیراعظم شہباز شریف دے محنت نال الحمد اللہ یوٹیلٹی سٹورز تے قطاراں کائنا ہن، لوکاں کؤں ریلیف ملیے، اڄ کارٹلز اتے مافیا عوام تے مسلط کائنی، اڄ برادر ممالک سعودی عرب اتے یو اے ای نال ملکی ترقی دی کاروباری شراکت داری تھیندی پئی اے ٻھل اے، اساں عمران صاحب دا کھنݙایا گند صاف کریندے پئے ہیں، وزیراعظم شہباز شریف انہاں دے لٹ مار دے ٻھار توں عوام کوں بچیندے پن۔
