اسلام آباد۔16ستمبر (اے پی پی):وفاقی وزیر داخلہ شیخ رشید احمد آکھیے جو پاکستان افغانستان اچ پائیدار امن دا خواہشمند مند اے،دنیا کوں افغانستان اچ زمینی حقائق سمجھݨ دی لوڑھ اے، طالبان کوں حکومت سازی تے ملکی امور چلاوݨ کیتے وقت ݙیوݨاں چاہیدے ، اے ڳال اقوام متحدہ دے ہائی کمشنر مہاجرین فیلپو گرانڈی نال ملاقات اچ آکھی اے ۔ ملاقات اچ افغانستان توں انخلاء اتے افغان شہریاں کیتے انسانی امداد متعلق ڳال مہاڑ کیتی ڳئی ۔ ملاقات اچ اتفاق کیتا ڳئے جو افغان شہریاں کوں موجود حالات اچ کلھا نہ چھوڑیا ویسی تے انسانی بنیاداں تے افغان شہریاں کیتے خوراک، دوائیں تے ٻیاں ضروری چیزاں دا بندوبست کیتا ویسی ۔ وفاقی وزیر داخلہ شیخ رشید آکھیے جو پاکستان ہمسایہ ملک افغانستان اچ پائیدار امن چاہندے ، طالبان کوں حکومت سازی اتے ملکی امور چلاوݨ دا وقت ݙیوݨا چاہیدے ،طالبان کوں افغانستان اچ گورننس کیتے مالی اتے انسانی وسائل یقینی بݨاوݨے پوسن ۔ طالبان دے زیر حکومت افغانستان دی ھکے ݙینھ اچ یورپ دی طرح ترقی ممکن کائنی ۔افغانستان اچ ممکنہ انسانی قحط بدامنی ،اور لاقانونیت کوں جنم ݙے سڳدے ، انہاں آکھیے جو انسانی ہمدردی دے تحت خوراک اتے دوائیں دے ٹرک اتے جہاز افغانستان بھیڄیندوں ۔ موجودہ حالات اچ پاکستان افغان شہریاں دی انسانی ہمدری دی بنیاد تے امداد جاری رکھیسی۔
