کراچی۔13اپریل (اے پی پی):وزیراعظم محمدشہباز شریف وزیر اعلی کوں صوبہ سندھ دے لوکاں دی جان و مال دی حفاظت اتے فلاح و بہبود کوں یقینی بݨاوݨ کیتے ہر ممکن اقدامات دی ہدایت کیتی اے ،ٻدھ کوں وزیراعظم میڈیا آفس توں جاری بیان موجب وزیر اعظم محمد شہباز شریف نال وزیر اعلیٰ سندھ سید مراد علی شاہ ملاقات کیتی اتے صوبے دی انتظامی اتے امن و امان دی مجموعی صورت حال تے ڳالھ مہاڑ کیتی ، وزیر اعظم وزیر اعلی کوں صوبے دے لوکاں دی جان و مال دی حفاظت اتے فلاح و بہبود کوں یقینی بݨاوݨ کیتے ہر ممکن کوشش کرݨ دی ہدایت کیتی اے ،وزیر اعلی سندھ وزیراعظم محمد شہباز شریف کوں وزارت عظمی دا منصب سنبھالݨ تے آپݨی کابینہ دی طرفوں مبارخ ݙتی ، اتے انہاں کوں یقین ݙیوائے جو او وفاقی حکومت نال رل تے سندھ دی عوام دی فلاح و بہبود کیتے سرے سارے ممکنہ اقدامات کریسن ملاقات اچ ارکان قومی اسمبلی شاہد خاقان عباسی، مریم اورنگزیب، خالد مقبول صدیقی، مولانا اسعد محمود، احسن اقبال اتے ٻئے وی موجود ہن ۔
