اسلام آباد۔9مئی (اے پی پی):وفاقی وزیر صنعت و پیداواررانا تنویر حسین آکھیے حکومت جوس انڈسٹری دے مسئلے حل کرݨ اچ کردار ادا کریسی ،حکومت جوس انڈسٹری کوں ہر ممکن مدد ݙیوݨ سانڳے تیار اے ۔وزارت صنعت و پیداوار توں جاری بیان موجب اے ڳالھ انہاں فروٹ جوس کونسل دے وفد کوں آکھی جنہاں انہاں دے نال ملاقات کیتی اے ۔ ملاقات دے وفد اچ نیسلے، شیزان، ٹیٹرا پیک، پیپسی کو، حلیب فوڈز، اتے پاپولر گروپ دے نمائندے شامل ہن ۔وفد وفاقی وزیر کوں جوس انڈسٹری تے تفصیلی بریفنگ ݙتی۔ کونسل دے وفد ݙسائے جو اڄوکے ٹیکس ودھݨ پاروں جوس دی وکامت 40 فیصد گھٹ ڳئی اے ۔حکومت جوس انڈسٹری دے مسئلے مکاوݨ اچ مدد کرے ۔ رانا تنویر حسین آکھیے حکومت جوس انڈسٹری دے مسئلے حل کرݨ اچ کردار ادا کریسی ۔
