اسلام آباد۔10اگست(اے پی پی) صدر مملکت آصف علی زرداری پاکستانی ایتھلیٹ ارشد ندیم کوں اولمپکس اچ ریکارڈ کارکردگی تے ہلال امتیاز عطا کرݨ دی ہدایت کیتی اے ۔ ایوان صدر پریس ونگ توں جاری بیان موجب صدر مملکت آصف علی زرداری ارشد ندیم کوں کھیݙ دے میدان اچ چنڳی خدمات دے اعتراف اچ خصوصی تقریب اچ سول ایوارڈ عطا کریسن۔ صدر مملکت دی ہدایت تے ایوانِ صدر ارشد ندیم کوں سول ایوارڈ عطا کرݨ سانڳے کابینہ ڈویژن کوں خط لکھ ݙتے ۔ صدر مملکت آصف علی زرداری آکھیے ارشد ندیم بہترین کارکردگی نال کھیݙ دے میدان اچ قوم دا ماݨ ودھائے ۔ایوانِ صدر توں لکھیے ڳئے مراسلے اچ آکھیا ڳئے جو ارشد ندیم دی عالمی سطح تے شاندار کامیابی قوم سانڳے ماݨ دا باعث بݨی ، ارشد ندیم ایتھلیٹکس دے میدان اچ ملک دا ناں روشن کیتے۔ صدر مملکت ارشد ندیم کوں سول ایوارڈ آئین دے آرٹیکل 259 (2) دے تحت عطا کریسن ، آئین دے تحت صدر مملکت مختلف شعبیں اچ خدمات دے اعتراف اچ پاکستان دے شہریاں کوں اعزاز عطا کرسڳدن
