رحیم یارخان۔17اکتوبر(اے پی پی)پاکستان مسلم لیگ(ن) دے سینئر مرکزی رہنماء اتے سابق ??پٹی سپیکر قومی اسمبلی چوہدری محمد جعفر اقبال نال اسلام آباد دے سینئر صحافی اتے اینکرپرسن رانا عمران لطیف ملین اتے انہاں ملک دی اڄوکی سیاسی صورتحال اتے صحافیاں دے مسلیاں تے تفصیلی ڳالھ مہاڑ کیتی۔ ایں موقع تے صدرڈسٹرکٹ پریس کلب رحیم یارخان قیصرغفورچوہدری وی انہاں دے نال ہن۔ ملاقات اچ الیندے چوہدری محمد جعفر اقبال آکھیے جو پاکستان خطے دا اہم ملک اتے اسلامی دنیا دی سب توں وݙی عسکری طاقت اے ڄیندا دفاع ناقابل تسخیر اتے مستقبل روشن و تابناک اے، پاکستان اچ وسݨ آلا ہر ڄݨا جانثاری دے جذبہ نال سرشار اے اتے لوڑھ پووݨ تے ملک دے دفاع کیتے کہیں وی قربانی تو پچھو نا ہٹسی۔ انہاں آکھیا جو صحافی معاشرے دی اکھ اتے کن ہوندن، اساں صحافیاں دے کردار دی اہمیت کوں دل نال منیندے ہیں، مسلم لیگ (ن) دی قیادت عوامی خدمت اچ اپݨا ثانی نئیں ??کھدی ، ماضی گواہ اے جو ساݙی جماعت ملک کوں ہمیشہ ترقی ݙتی اتے عوام دا ڄیوݨ سوکھا کیتے، اڄوکی حکومت وی خدمت دا تسلسل اڳو تے ودھیندی پئی اے۔ چوہدری جعفر اقبال آکھیا جو اوکھے حالات دے باوجود وفاقی و صوبائی حکومت لوکاں کوں ریلیف ݙیوݨ اچ کوئی کوتاہی نئیں ورتی، سارے وسائل عوامی فلاح و بہبود تے لڳدے پن، ایں ??انڳے وزیر اعظم شہباز شریف اتے وزیر اعلیٰ پنجاب مریم نواز کوں خراج تحسین پیش کریندے ہیں ڄئیں پارٹی صدر محمد نواز شریف دے ویژن دی تکمیل دا تکڑا عزم کیتا ہویا اے۔ ایں موقع تے راناعمران لطیف آکھیا جو ملک دا سب توں وݙا مسئلہ غیر ضروری سیاسی نوک جھونک اے ڄیکوں سیاستداناں کوں رل تے مکاوݨا ہوسی، اے ویلھا ڄھیڑیاں کوں ہوا ݙیوݨ دا نئیں ٻھل ہک مٹھ تھی تے ملکی استحکام و ترقی کیتے کردار ادا کرݨ دا اے۔ انہاں آکھیا جو اللہ تعالیٰ پاکستان کوں وݙیاں نعمتاں ݙتین، ساکوں خود انحصاری اپنا تے اپݨے وسائل فیدہ مند ٻݨاوݨے ہوسن، صحافت جمہوریت دا چوتھا ستون اکھیندے ڄیڑھا معاشرے دے مسائل کوں اڳونہا کرݨ اتے عوام دی آواز حکمراناں تئیں پچاوݨ اچ اہم کردار ادا کریندے، حکومت صحافیوں دے مسلے حض کرے۔ صدر ڈسٹرکٹ پریس کلب قیصر غفور چوہدری آکھیا جو سیاسی مفادات کیتے ملکی مفادات داء تے لاوݨ آلیان کوں احساس کرݨا چاہیدے، اڄوکے حالات اچ سارے سیاسی و مذہبی قائدین ملکی مفادات تے توجہ ݙیون، ملک دے عوام ٻہوں مح?? وطن اتے جانثار ہین، ملاقات اچ توقیر خان ایڈووکیٹ، چوہدری زاہد گجر اتے ٻئے وی موجود ہن۔
.jpg)
.jpg)
