اسلام آباد۔29ستمبر(اے پی پی)صدر مملکت ڈاکٹر عارف علوی ݙیجیٹل دور دے مطابق تعلیمی نظام کوں ڈھالݨ تے زور ݙیندے آکھیے جو فاصلاتی تعلیم اتے ای لرننگ دے ودھارے تے ودھ توجہ ݙتی ونڄے، اے طریقہ سستا اتے قابل استطاعت اے، آن لائن تعلیم سانڳے ورچوئل یونیورسٹی دی پڄ ودھاوݨ دی لوڑھ اے۔ اے ڳالھ انہاں ایوان صدر اچ ورچوئل یونیورسٹی آف پاکستان بارے بریفنگ اچ آکھی۔ ریکٹر ورچوئل یونیورسٹی پروفیسر ڈاکٹر ارشد سلیم بھٹی اجلاس کوں آن لائن تعلیم اتے فاصلاتی تعلیم دی ترقی کیتے یونیورسٹی دے کردار دا ݙسایا۔ صدر مملکت آکھیا جو ڈیجیٹل دور دے مطابق یونیورسٹی کیتے ہک نواں وژن اتے مستقبل دے منصوبے ٻݨاعے ونڄن، اپݨے اہداف اتے مقاصد سانڳے ویلھا مقرر کیتا ونڄے، ایچ ای سی ورچوئل ایجوکیشن کیتے اپݨی پالیسی کوں تیکھے حتمی شکل ݙیوے جو ملک دے دور دراز علاقیاں دے طلبہ کوں فیدہ تھیوے۔
