اسلام آباد۔13فروری(اے پی پی)وزیر اعظم شہباز شریف اسلام آباد اچ ترکیہ دے سفارتخانے دا دورہ کیتے اتے ترکیہ اچ آوݨ آلے زلزلے پاروں ودھ جانی اتے مالی نقصان تے افسوس کریندے مرݨ آلیاں دے ٹٻراں کوں پرچاوݨی ݙتی۔ سفارتخانے دے دورے ویلھے وزیر خارجہ بلاول بھٹو زرداری، وفاقی وزیر قانون و انصاف اعظم نذیر تارڑ، وفاقی وزیر برائے اقتصادی سردار ایاز صادق وی انہاں دے نال ہن۔ وزیراعظم محمد شہباز شریف زلزلے نال وݙی تباہی تے افسوس کریندے آکھیا جو ایں اوکھے ویلھے ترک ٻھراواں دے نال ہیں، زلزلہ متاثرین دا پورا ہتھ ونݙیسوں، امدادی سرگرمیاں کیتے پاکستان دی تیم ترکیہ اچ ردھی ہوئی اے، متاثرین کیتے خوارک، خیمے، کمبل اتے ٻیاں شئیں وی ٻھڄیاں وینداں پن، ایں سانڳے اپݨے ترک ٻھراواں دے نال ہیں اتے ساݙیاں ہمدردیاں ترکیہ دے نال ہین۔ انہاں آکھیا جو فضائی، سڑک اتے سمندری رستے توں امدادی سمان ٻھڄواوݨ توں علاوہ ٹرین تے وی امداد ٻھڄواوݨ کیتے کم تھیندا پئے۔
