اسلام آباد۔7مارچ(اے پی پی) وزیراعظم دی معاون خصوصی امور نوجوانان شزہ فاطمہ خواجہ آکھیے حکومت ڈیجیٹل سکلز دے ذریعے مرد تے تریمتاں کوں بلاامتیاز انفارمیشن ٹیکنالوجی متعلق مفت کورسز کرویندی پئی اے تے نینگراں اچ ہنر کوں ودھارا ݙیوݨ دی ہر ممکن کوشش کریندی پئی اے ۔ اے ڳالھ انہاں منگل کوں تریمتاں دے عالمی ݙینھ دے سلسلے اچ صنفی مساوات کیتے جدت اتے ٹیکنالوجی دے حوالے نال اجلاس اتے سیمینار توں خطاب کریندے ہوئیں آکھی اے ۔ اجلاس اچ چھوہریں تے تریمتاں کوں جدید ٹیکنالوجی دے شعبے اچ ھکو سواں فیدہ پڄاوݨ ، انہاں کوں جدید ٹیکنالوجی دی دوڑ اچ رلاوݨ تے صنفی ڈیجیٹل ونڈ کوں مکاوݨ متعلق ڳالھ مہاڑ کیتی ڳئی اے ۔ سیمینار اچ وزیراعظم دی معاون خصوصی امور نوجوانان شزہ فاطمہ خواجہ بطور مہمان خصوصی شرکت کیتی۔ وزیراعظم دی معاون خصوصی آکھیے ملک دی ترقی اچ خواتین نہایت اہمیت دی حامل ہن ، حکومت تریمتاں کوں بااختیار بݨاوݨ کیتے ٻہوں سارے اقدامات کریندی پئی اے
