فیصل آباد۔26جون(اے پی پی)وفاقی وزیر داخلہ رانا ثنااللہ آکھیے جو سارے ملکی اداریاں دا احترام کریندے ہیں، جیکر اوکھے فیصلے نہ کریندے تاں ملک ݙیوالہ تھی ویندا۔ اے ڳالھ انہاں فیصل آباد اچ ہک تقریب نال خطاب اچ آکھی۔ انہاں آکھیا جو ساݙھے 3 سال ملک تے مسلط نااہل اتے نالائق ٹولے ملکی ترقی و بہتری کیتے کڄھ نئیں کیتا، اپݨی ساری توجہ اپوزیشن کوں بدنام کرݨ اتے الزامات تے لائی رکھی اے، انتقامی کارروائیاں کیتاں ڳین، تہوں ملکی معیشت دا جنازہ نکل گئے، ڄفاں اساں اقتدار سنٻھالیے تاں ملکی معیشت تکڑی کرݨ کیتے ساکوں اپݨی سیاست دا تے لاوݨی پئی اے اتے اوکھے فیصلے کرݨے پن، جیکر اساں فوری فیصلے نا کریندے تاں ملک ڈیفالٹ تھی ویندا۔ انہاں آکھیا جو ملکی ادارے اپݨی آئینی حدود دے مطابق ملک و قوم دی چنڳائی کیتے کم کرن۔
