لاہور۔ 12 نومبر(اے پی پی)آرمی چیف جنرل قمر جاوید باجوہ آکھیے جو پاکستان دے نینگر ساݙا ترکہ ہین۔ پاک فوج دے شعبہ تعلقات عامہ (آئی ایس پی آر)ہک بیان اچ آکھیے جو آرمی چیف جنرل قمر جاوید باجوہ لاہور گیریژن دا دورہ کیتے اتے یادگار شہداء تے پھلاں دی چادر چڑھائی تے فاتحہ وی پڑھی۔ سپہ سالار لاہور گیریژن انسٹی ٹیوٹ فار اسپیشل ایجوکیشن دا افتتاح وی کیتے۔ انہاں خصوصی ٻالاں کیتے مختلف سکولاں دی سہولتاں دا وی دورہ کیتے۔ آئی ایس پی آر ݙسائے جو دورے اچ آرمی چیف جنرل قمر جاوید باجوہ سٹیٹ آف دی آرٹ ہاکی ایرینہ دا افتتاح کیتے ہاکی دے لیجنڈز کھیݙاڑیاں نال وی ملین۔ اپݨے خطاب اچ آرمی چیف آکھیا جو پاکستان دے نینگر ملک دا وݙا ترکہ ہین، کھیݙاں اچ وݙی ڄاہ ٻݨاوݨ کیتے سازگار ماحول ݙیوݨ ضروری اے۔
