اسلام آباد۔1 دسمبر(اے پی پی)وزیراعظم محمد شہباز شریف نال چیئرمین جوائنٹ چیفس آف سٹاف کمیٹی جنرل ساحر شمشاد مرزا عہدہ سنٻھالݨ توں بعد خمیس کوں ملین۔ وزیراعظم عہدہ سنٻھالݨ تے چیئرمین جوائنٹ چیفس آف سٹاف کمیٹی کوں مبارکباد ݙتی۔ ملݨ ویلھے مسلح افواج دے پیشہ وارانہ امور تے ڳالھ مہاڑ کیتی ڳئی۔ وزیراعظم شہباز شریف نویں چیئرمین جوائنت چیفس آف سٹاف کمیٹی جنرل ساحر شمشاد مرزا دے پیشہ ورانہ امور اچ مہارت اتے قابلیت دی تعریف کریندے آکھیے جو پاک فوج قوم دا قیمتی ترکہ اے، ݙو قابل ترین افسران دی اڳواݨی نو دفاع وطن ٻیا تکڑا تھیسی۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا وزیراعظم دا شکریہ ادا کیتے۔
