اسلام آباد۔13ستمبر (اے پی پی):پاکستان مسلم لیگ(ن) دے سنیئر رہنما و سابق ڈپٹی سپیکر قومی اسمبلی و سینیٹرچودھری جعفراقبال آکھیے جو پاکستان تاریخ دے ساریں تباہ کن سیلاب توں 3کروڑ30لکھ توں ودھ پاکستانی ایں آفت توں متاثر تھئن جݙاں جو 1300 توں ودھ لوک لقمہ اجل بݨ چکئن ایندے نال نلا زراعت، مال ڈھور ، املاک اتے اہم انفرا سٹرکچردا ٻہوں وݙا ضیان تھئے جیں دے ازالے تے متاثرین دی بحالی کیتے ہنگامی اقدامات چاوݨ دی لوڑھ اے ، اہل وطن وی متاثرین دی بحالی دے عمل اچ بھر پور کردار ادا کرن۔ منگل کوں آپݨے ھک بیان اچ انہاں آکھیے جو ایں ویلھے سیلاب متاثرین کوں خیمے ،خوراک اتے دوائیں دی لوڑھ اے ،امدادی سرگرمیاں اچ مشغول سماجی و سیاسی ورکرز اتے حکومتی ادارے انہاں بنیادی ضرورتاں دی فراہمی دا عمل تکھا کرن تے عوام وی اپݨا مالی تعاون ودھ چڑھ تے کرے تاں جو سیلاب متاثرین دی مشکلا ت دا وختی ازالہ تے بحالی ممکن تھی سڳے۔
