نیویارک۔21مئی (اے پی پی):اقوام متحدہ ہیڈکوارٹر اچ صدر جنرل اسمبلی والکن بوذکر دی زیر صدارت وزارتی اجلاس منعقد تھیا۔ اجلاس دا انعقاد ٹرسٹی شپ کونسل چیمبر اچ کیتا ڳیا ۔ وزیر خارجہ مخدوم شاہ محمود قریشی سعودی عرب، ترکی، فلسطین، مالدیپ، الجیریا اتے انڈونیشیا سودھے اقوام متحدہ جنرل اسمبلی دے ہنگامی اجلاس اچ شرکت کیتے آئے ہوئے وزرائے خارجہ دے رلے اجلاس اچ شرکت کیتی۔وزیر خارجہ مخدوم شاہ محمود قریشی اجلاس اچ خصوصی خطاب کیتا اتے فلسطین دے حوالے نال جنرل اسمبلی دے اجلاس دے کامیاب اتے وختی انعقاد تے صدر جنرل اسمبلی جناب والکن بوذکر دا شکریہ ادا کیتا۔وزیرخارجہ اسرائیل ولوں سیز فائردے فیصلے کوں مسلم امہ دیاں سفارتی کاوشاں دا ثمر قرارݙتا۔
