لاہور۔5جولائی (اے پی پی):وزیر مملکت اطلاعات و نشریات فرخ حبیب لاہور اچ پی ٹی وی سینٹر، پی آئی ڈی اتے دنیا نیوز آفس دا دورہ کیتے جتھاں متعلقہ حکام نیوز، کرنٹ افیئرز دے امور متعلق بریفننگ ݙتی۔ سنوار کوں وزیر مملکت فرخ حبیب پی ٹی وی سینٹر پڄے تاں جی ایم پی ٹی وی لاہور فیض الدین انہاں دا استقبال کیتا۔ وزیر مملکت فرخ حبیب کوں پی ٹی وی دے نیوز، آپریشن اتے پروڈکشن سودھے بئے امور بارے ݙسایا ۔ وزیر مملکت فرخ حبیب آکھیا جو پی ٹی وی لاہور سینٹر تاریخی اہمیت رکھیندے، پی ٹی وی دی عظمت رفتہ دی بحالی اولین ترجیح اے، پی ٹی وی دے تکنیکی عملے کوں جدید تقاضیں نال جوڑݨ کیتے تربیت تے توجہ ݙتی ویسی ۔ پی ٹی وی ملازمین دے سارے جائز مسئلے حل کریسوں ۔وزیر مملکت فرخ حبیب پی آئی ڈی ریجنل آفس لاہور دا دورہ کیتا جتھان ڈی جی پی آئی ڈی لاہورشفقت عباس وزیر مملکت کوں پی آئی ڈی ریجنل آفس دے امور متعلق بریفننگ ݙتی۔وزیر مملکت فرخ حبیب دنیا نیوز،لاہور نیوز اتے دنیا اخباردے مختلف شعبیں دا وی دورہ کیتا جتھاں نیوز، کرنٹ افیئرز دے پروگرام متعلق ݙسایا ڳیا ۔
