اسلام آباد۔19جولائی (اے پی پی) محکمہ موسمیات آکھیا جو مینہ دا اڄوکا سلسلہ ٻے کڄھ ݙینھ رہسی، نشیبی علاقیاں اچ چھل اتے لینڈ سلائیڈنگ تھی سڳدی اے۔ بدھ کوں نیشنل ایمرجنسی آپریشنز سینٹر ( این ای او سی ) دے ہک خصوصی اجلاس اچ محکمہ موسمیات دے حکام 19 توں 24 جولائی ملک دے مختلف علاقیاں اچ مینہ بارے بریفنگ ݙتی۔ اجلاس دی صدارت ممبر آپریشن این ڈی ایم اے کیتی جڈانجو پاکستان دی مسلح افواج، محکمہ موسمیات، فلڈ فورکاسٹنگ ڈویژن پی ایم ڈی ، صوبائی ڈیزاسٹر منیجمنٹ اتھارٹیز،جی بی ڈی ایم اے، ایس ڈی ایم اے، ڈیم اتھارٹیز، سارے صوبائی محکمہ ایریگیشن، اسلام آباد ایڈمنسٹریشن، سپارکو اتے ریسکیو 1122 سودھے ٻے متعلقہ محکمے اجلاس اچ شریک تھیے۔ اجلاس اچ سارے محکمیاں مینہ دے اڄوکے سلسلے اچ مختلف علاقیاں اچ ایندے اثرات اتے ریسکیو دی تیاریاں بارے بریفنگ ݙتی۔
