اسلام آباد۔19جنوری (اے پی پی):وفاقی وزیر اسد عمر آکھیے جو براڈ شیٹ ایوارڈ دی تفصیل توں ثابت تھی ڳئے جو نواز شریف پارلیمنٹ ، سپریم کورٹ اتے قوم کوں کوڑ ماریے۔ وفاقی وزیر اسد عمر منگل کوں آپݨے ٹویٹ اچ آکھیے جو براڈشیٹ ایوارڈ دی تفصیل منظر عام تےآڳئی اے ، ثالث ݙسا ݙتے جو شریف خاندان 2000 توں ایون فیلڈ اپارٹمنٹ دا مالک اے، ثابت تھی ڳے جو نواز شریف پارلیمنٹ ، سپریم کورٹ اتے قوم کوں کوڑ ماریے ۔ گزریل ݙینھ وفاقی وزیراسد عمر براڈ شیٹ متعلق فیصلے کوں شیئر کریندے ہوئیں آکھیا ہئی جو اے ڈاکومنٹس پی ٹی آئی حکومت یا نیب دے نی لکھیے ہوئے اے انگلینڈ دے جج لکھیے جو شریف خاندان دی لکائی ہوئی دولت جیں اچ لندن دے ایون فیلڈ فلیٹ شامل ہن انہاں کوں گولݨ دا معاوضہ 20.5 ملین ڈالر بݨدے جیں دا حق دار براڈ شیٹ اے۔اسد عمر آکھیے جو شریف خاندان دی لکائی ہوئی دولت 100 ملین ڈالر یعنی 16 ارب روپے گولݨ تے اے 20 ملین معاوضہ ملیا کیوں جو معاہدے دے مطابق 80 فی صد پاکستان اتے 20 فی صد بروڈشیٹ کوں حصہ ملݨا ہئی 100 ملین ڈالر پاکستان دے عوام توں لٹیے تے اتے 20 ملین ڈالر دا ہرجانہ کیوں جو شریف حکومت اثاثے واپس نی ڳھدے ۔
