اسلام آباد۔4نومبر (اے پی پی) وفاقی وزیر داخلہ رانا ثنا اللہ خان آکھیا جو عمران خان تے حملہ مذہبی انتہا پسندی دا کیس اے ،عمران خان آپݨی سکیورٹی دے معاملات تے نظر ثانی کرن۔ ملزم جیڑھا الزام لاتے او خوفناک اتے تشویشناک اے۔ ایں مقدمے دی ایف آئی آر نی تھئی، شاید مرضی دی ایف آئی آر درج کراوݨ دی کوشش تھیندی پی اے۔ عمران خان 2014 توں ہݨ تئین کنٹینر تے ہکو ڳالھ کریندے پن جو کہیں کوں کائنا چھڑیساں، اساں عمران خان کوں سیاسی مخالف سمجھدوں دشمن نی پر عمران خان اساکوں دشمن سمجھدن۔ او جمعے کوں پی ٹی وی ہیڈکوارٹرز اچ پریس کانفرنس توں خطاب کریندے پے ہن۔ وفاقی وزیر آکھیا جو جمعے کوں پارٹی دی سینئر قیادت دا اجلاس تھیے جئیں اچ گزریل ݙینھ دے واقعے تے افسوس اتے ایندی شدید الفاظ اچ مذمت کیتی ڳی اے۔ انہاں آکھیا جو گزریل ݙینھ دا واقعہ ٻہوں افسوسناک اے۔ اڄ وزیراعظم شہباز شریف لانگ مارچ اچ جاں بحق تھیوݨ آلی تریمت صحافی صدر سوھے سارے جاں بحق تھیوݨ آلیاں دے ٹٻراں کیتے مالی امداد دا اعلان کیتے۔ ایں افسوسناک واقعے دے بعد پی ٹی آئی قیادت بشمول عمران خان دا رویہ قابل مذمت اے۔ کل اسد عمر ، عمران خان ولوں آکھیا جو ترائے بندیاں دے خلاف بغیر تحقیق، بغیر ثبوت واقعے دا الزام لاؤ، اے کینویں لوکاں کوں بدلہ ڳھنݨ کیتے اکسایا ویندا رہیے۔ ایں مقدمے دی ایف آئی آر نی تھئی، شاید مرضی دی ایف آئی آر درج کراوݨ دی کوشش تھیندی پی اے۔ عمران خان 2014 توں ہݨ تئین کنٹینر تے ہکو ڳالھ کریندے پن جو کہیں کوں کائنا چھڑیساں، اساں عمران خان کوں سیاسی مخالف سمجھدوں دشمن نی پر عمران خان اساکوں دشمن سمجھدن۔
