اسلام آباد – 26 جنوري (اي پي پي) پرڏيهي وزير شاهه محمود قريشي چيو آهي ته ڪشميري عوام جون قربانيون رائيگان نه وينديون، هر اهم علائقائي ۽ عالمي فورم تي مظلوم ڪشميرين جي حق ۾ آواز بلند ڪندا رهنداسين. ڪشميرين کان آزادي جو حق کسڻ ۽ معصوم ڪشميرين جي رت سان هٿ رنگيندڙ ڀارت ڪهڙي منهن سان يوم جمهوريه جي ڳالهه ڪري ٿو. پنهنجي هڪ بيان ۾ پريهي وزير چيو ته اڄ ڪشميري سڄي دنيا ۾ ڀارت جي جمهوريه جي ڏهاڙي کي ڪاري ڏينهن طور ملهائي رهيا آهن.
