اسلام آباد۔7اپریل(اے پی پی) قومی اسمبلی دے سپیکر راجہ پرویز اشرف اتے ڈپٹی اسپیکر زاہد اکرم درانی سانحہ گیاری (سیاچن) دی شہداء دی 11 ویں برسی تے خراجِ عقیدت پیش کیتے ۔ جمعہ کوں آپݨے انڄ انڄ بیانات اچ انہاں آکھیے برفانی تودہ ڈھݨ پاروں وطن دی حفاظت تے مامور جواناں تے شہریاں دے جانی نقصان پوری قوم کوں افسردہ کیتے۔ وطن دے بہادر سپوتاں دی یاد اڄ وی ساݙے دلاں اچ تازہ اے۔شہداء دے عزم و ہمت اتے وطن تے قربان تھی ونڄݨ دے جذبے کوں سلام پیش کریندوں ۔اللّٰہ تعالیٰ سارے شہداء دے درجات بلند فرماوے۔تاریخی ریسکیو آپریشن اچ حصہ گھنݨ آلے پاک فوج دے جواناں دے ہمت و حوصلے دی مثال نی ملدی ۔ انہاں آکھیے پوری قوم سکیورٹی اہلکاراں دی حفاظت کیتے دعا گو اے۔
